Расман: ОКМК "Бунёдкор" сардори билан шартнома имзолаганини эълон қилди
09 jan 2024 12:30
News

Расман: ОКМК "Бунёдкор" сардори билан шартнома имзолаганини эълон қилди

Жамоа бўлажак мавсум олдидан навбатдаги трансфери ҳақида маълумот берди.

"Авазбек Ўлмасалиев 2000 йилнинг 27 март санасида Фарғона шаҳрида таваллуд топган. Фаолияти давомида Фарғонанинг "Нефтчи", Тошкентнинг "Локомотив" ва "Бунёдкор" жамоаларида тўп тепган марказий ҳимоячи бўлажак мавсумда "кончилар" шарафини ҳимоя қилади. ОКМК ва футболчи ўртасида 2 йиллик (1+1) шартнома имзоланди", – дейилади олмалиқликлар хабарида.

23 ёшли ҳимоячи Суперлига баҳсларида жами 111 та учрашувда майдонга тушиб, рақиблари дарвозасига 8 та гол уришга эришган.

Маълумот учун, Ўлмасалиев 2023 йил "Бунёдкор" сафида барча мусобақаларда 28 та ўйинда майдонга тушиб, 1 та гол урди ва 1 та голли узатмани амалга оширди.

Link :

Source : ОКМК матбуот хизмати

Receive latest football news directly on your phone. Subscribe for our Telegram channel!

Rating: +3