Расман: Мирко Йеличич – “Локомотив” бош мураббийи
27 nov 2015 12:31
News

Расман: Мирко Йеличич – “Локомотив” бош мураббийи

Миллий чемпионатимизда навбатдаги мавсум ҳам якунига етди. Ҳозирда барча жамоалар таътилда. “Локомотив” футболчилари 16 декабрдан янги мавсумга ҳозирлик кўришни бошлашади.

Якунига етган чемпионатдан сўнг “Локомотив” футбол клуби раҳбарияти жамоамиз мураббийлар штабида фаолият юритиб келган Мирко Йеличични расман бош мураббий этиб тайинлади. Австралиялик мутахассис жамоани бўлажак ўйинларга тайёрлайди ва клуб натижалари натижа учун эндиликда у жавобгар бўлади.

Мирко Йеличич бунгача асосий таркиб мураббийлар штабида ишлаб келаётганди. Эндиликда янги футболчилар унинг қарорига кўра танлаб олинади. Йеличичга мураббийлар штабида Андрей Микляев ёрдам беради. Дарвозабонлар билан эса одатдагидек Пётр Гизимчук ишлайди.

Мавсум якунлангач, кўпчилик “Локомотив”га энди ким бош мураббий бўларкин дея қизиқиб кўрган, ҳатто бу борада баъзи номзодлар номи ҳам илгари сурилганди. Бироқ клубимиз раҳбарияти Мирко Йеличига ишонч билдиришини таъкидлади.

Серб миллатига мансуб мутахассис айни пайтда уйида дам олмоқда. Унинг 9 декабрь куни Тошкентга қайтиб келиши кутилмоқда.

Link :

Source : lokomotiv.uz

Receive latest football news directly on your phone. Subscribe for our Telegram channel!

Rating: +3