Расман: "Машъал" Яшинни трансфер қилди

"Машъал" жамоаси Россиялик марказий ҳимоячи Дмитрий Яшин билан 1 йиллик шартномага имзо чекди.

32 ёшли тажрибали легионер Похвистнево шаҳрида таваллуд топган. У ўз фаолияти давомида Россия, Беларусь, Арманистон ва Қозоғистон чемпионатларида тўп тепган.

Яшин ўз вақтида Россиянинг "Терек II", "Сокол" Саратов, "Орёл", "Кубан" каби жамоалари шарафини ҳимоя қилган. Шунингдек, Беларуснинг "Крумкачи", "Луч" Минск, "Дняпро", "Торпедо" Жодино, Арманистоннинг "Гандзасар", Қозоғистоннинг "Актобе" ва "Елимай" жамоаларида фаолият олиб борган.