Расман: Криштиану Роналду жазоланди. У "Челси"га қарши учрашувда қайдномага киритилмайди
20 oct 2022 22:23
News

Расман: Криштиану Роналду жазоланди. У "Челси"га қарши учрашувда қайдномага киритилмайди

Бунга катта эҳтимол билан Роналдунинг кечаги қилиғи сабаб бўлган.

"Манчестер Юнайтед" клуби Криштиану Роналдунинг "Челси"га қарши ўйинда қайдномага киритилмаслигини эълон қилди.

"Криштиану Роналду шанба куни ўтказиладиган "Челси"га қарши учрашувда қайдномага киритилмайди. Қолган таркиб ўйинга бор эътиборини қаратган ва тўлиқ тайёрланмоқда", -дейилади клуби баёнотида.

Бундай қарорга келинишига катта эҳтимол билан "Тоттенхэм"га қарши учрашувда Роналдунинг ўйин тугамасидан майдонни тарк этгани бўлди. "Шпорлар"га қарши ўйиндан кейинги матбуот анжуманида Эрик тен Хаг Роналду масаласини эртаси куни ҳал қилишини айтганди.