Расман: Ҳожимат Эркинов "Пахтакор"га қайтди
04 jul 2023 18:54
News

Расман: Ҳожимат Эркинов "Пахтакор"га қайтди

Суперлига клублари аллақачон 2-давра олдидан таркибни кучайтириш ишларини бошлаб юборишган.

"Пахтакор" клуби ўз тарбияланувчиси Ҳожимат Эркиновни жамоага қайтарди. "Шерлар" уни "Торпедо"дан ижарага олишди. Бу ҳақда клуб матбуот хизмати хабар берди.

"Эркинов 2020, 2021 ва 2022 йилларда "Пахтакор"нинг чемпионликка эришишига ўз ҳиссасини қўшган. "Шерлар" таркибида Суперлигада 37 ўйинда 6 гол урган, Чемпионлар Лигасида эса 13 баҳсда 2 гол муаллифига айланган. Москванинг "Торпедо" клуби билан келишув асосида Эркинов бир йилга ижарага олинди", - дейилади клуб хабарида.

Бундан ташқари, Эркинов "Пахтакор" матбуот хизматига қисқа интервью ҳам берган.

- Мени тарбиялаган қадрдон жамоам "Пахтакор"га қайтганимдан хурсандман. Суперлиганинг иккинчи даврасида чемпионлик анъанасини давом эттиришда ёрдам беришни хоҳлайман. Чемпионлар Лигасида ҳам мухлисларимизни қувонтирадиган ўйинлар кўрсатишга ҳаракат қиламиз. Бор кучим билан клубимга ёрдам беришга интиламан. Ишқибозларни мавсумнинг иккинчи қисмида чиройли футбол билан қувонтирамиз деган умиддаман.

Link :

Source : "Пахтакор" матбуот хизмати

Receive latest football news directly on your phone. Subscribe for our Telegram channel!

Rating: +20