Расман: "Чангчун Ятай" Самвел Бабаянни бош мураббий сифатида эълон қилди

Хабарнинг ўзбекча таржимаси қуйидагича:

"Клубнинг ривожланиш эҳтиёжлари туфайли жаноб Самвел Бабаян "Чангчун Ятай" бош мураббийи сифатида ишга олинди ва янги бош мураббийлар гуруҳи 2020 йилги Хитой Лигасида қатнашиш учун шакллантирилади.

Бабаян 1971 йилда туғилган ва мураббийлик фаолиятини 1996 йилда бошлаган. У 2014 йилда Тошкентнинг "Пахтакор" жамоасига бош мураббий бўлди ва Ўзбекистон чемпионлигини қўлга киритди. Кетма-кет 2 йил давомида (2014, 2015) "Ўзбекистоннинг энг яхши мураббийи" деб топилди. 2015 йилнинг июнь ва ноябрь ойларида Ўзбекистон миллий терма жамоаси ва Олимпия терма жамоаларида иш бошлади. Жамоаларни Лондон Олимпиядаси саралаши ва Россияда бўлиб ўтган ЖЧ саралашигача олиб борган. 2019 йилда эса Тошкентнинг "Локомотив" жамоаси бош мураббийи сифатида ишлаган.

Бабаян бу сафар "Чангчун Ятай" жамоасига бош мураббий этиб тайинланди ва унинг мураббийлар штаби Григорий Колосовский, Деян Журжевич, Александр Галич ва Антон Майерановлардан ташкил топади. "Чангчун Ятай" тез орада улар билан ажойиб натижаларга эришишга умид қилмоқда", - дейилади "Чангчун Ятай" расмий хабарида.

Эслатиб ўтамиз, бу клуб якунланган мавсум Хитойнинг мавқеи жиҳатдан иккинчи ўринда турувчи чемпионати (1-лига)да иштирок этган ва якунда 5-ўринни эгаллаган. Бабаянга "Чангчунг Ятай"ни Суперлигага олиб чиқиш вазифаси қўйилган.