Расман: "Бунёдкор" жамоани Суперлигада олиб қолишга катта ҳисса қўшган ўйинчи билан шартномани 2 йилга узайтирди
18 dec 13:38
News

Расман: "Бунёдкор" жамоани Суперлигада олиб қолишга катта ҳисса қўшган ўйинчи билан шартномани 2 йилга узайтирди

Ўзбек клублари янги мавсум учун таркибни шакллантириш ишларини давом эттиришмоқда.

ПФЛ матбуот хизматининг хабар беришича, "Бунёдкор" клуби марказий ҳимоячи Бобур Йўлдошев билан келишувни 2026 йилнинг 31 декабрига қадар узайтирди.

Маълумот учун, Бобур Йўлдошев ортда қолган Суперлиганинг 25-турида "Олимпик"ка қарши ҳаёт-мамот жангида ягона ғалаба голини киритган эди.

Эслатиб ўтамиз, Бобур Йўлдошев "Бунёдкор" таркибида Суперлига ва Ўзбекистон кубоги доирасида 12та ўйинда майдонга тушган ва 2та гол уриб, битта ассист берган.