Расман: Баҳром Абдураҳимов "Пахтакор" футболчиси
28 dec 2017 16:48
News

Расман: Баҳром Абдураҳимов "Пахтакор" футболчиси

"Насаф" таркибида тўп тепиб келган Баҳром Абдураҳимов "Пахтакор" таркибига ўтди.

Ярим ҳимоячи "Пахтакор"нинг учинчи келишувига айланди.

2017 йилги мавсумда 30 ўйинда 10 гол муаллифи бўлган ярим ҳимоячи фаолияти давомида олий лигада "Андижон" ва "Насаф" шарафини ҳимоя қилган. Олий лигада 146 ўйинда 17 тўп киритишга эришган. Қарши клуби сафида Ўзбекистон Кубоги ва Суперкубогида ғолиб чиққан.

"Пахтакор" ва Абдураҳимов ўртасида икки йиллик шартнома тузилди.

Баҳром Абдураҳимов ҳақида маълумот

Туғилган санаси: 11.12.1988
Туғилган жойи: Андижон
Ютуқлари: Ўзбекистон Кубоги соҳиби - 2015, Ўзбекистон Суперкубоги соҳиби - 2016.