Расман: Афсона "Ювентус"ни тарк этишини эълон қилди
17 may 2018 15:07
News

Расман: Афсона "Ювентус"ни тарк этишини эълон қилди

Афсонавий дарвозабон Жанлуижи Буффон мавсум якунланганидан сўнг "Ювентус"ни тарк этади.

Бу ҳақда 40 ёшли кипер айни пайтда давом этаётган матбуот анжуманида эълон қилди. Ҳозир "Альянц стэдиум"да Жижи иштирокида махсус матбуот анжумани ўтказилмоқда.

Буффон "Ювентус"га 2001 йилда келган ва жамоа билан 9 бор Скудеттони қўлга киритган (яна иккита чемпионлик эса Калчополи иши сабаб олиб қўйилган). 4 бор Италия кубоги, 5 бор мамлакат суперкубогини қўлга киритган. 3 марта эса ЕЧЛ финалида ўйнаган, аммо бош совринни боши узра кўтариш насиб этмаган.