Рақам. ЖЧ-2014 бошланишига 78 кун қолди

Қуйида 78 рақами билан боғлиқ фактни келтириб ўтамиз. Маълумки, 1978 йилги мундиал Аргентинада ўтказилган бўлиб, унда майдон эгалари ғолиб чиқишган.

Ўша жаҳон чемпионатида аргентиналиклар сафида Марио Кемпес порлаган эди. У ЖЧ-78да жами 6та гол урган бўлиб, шундан иккитасини финалда киритган. Натижада Кемпес мусобақа тўпурари сифатида “Олтин бутса”ни қўлга киритган.

Кемпес Аргентина футболи тарихида “Олтин бутса” соҳиби бўлган ягона футболчи эмас. Унгача яна бир собиқ футболчи шу совринга сазовор бўлган, лекин у кўпчилик тахмин қилганидек, Диего Марадона эмас. Балки, 1930 йилги жаҳон чемпионатида 8та гол муаллифи бўлган Гильерме Стабиле.  

Х.Холиқов.