Рамзан Қодиров ва Роналдиньо ўйнаган жамоа Италия фахрийларини йирик ҳисобда мағлуб этди
08 oct 2017 00:40
News

Рамзан Қодиров ва Роналдиньо ўйнаган жамоа Италия фахрийларини йирик ҳисобда мағлуб этди

«Лидер-65» жамоаси Италия фахрийлар терма жамоаси билан ўртоқлик учрашувини ўтказди (6:3).

Россия жамоаси сардори сифатида Чеченистон республикаси раҳбари Рамзан Қодиров бўлди. У ўз ҳисобига битта гол ва битта голли пас ёзиб қўйди.

«Лидер-65» сафида ЖЧ-2002 ғолиби, «Олтин тўп»-2005 соҳиби бразилияик Роналдиньо, Россия терма жамоаси собиқ аъзолари Валерий Карпин, Александр Кержаков, Роман Широков, Александр Филимонов ва бошқа футболчилар ўйнашди.

Бош мураббий Валерий Газзаев бўлди.

Италия фахрийлари таркибида Сальваторе Скилаччи, Марко Кассетти, Фабрицио Раванелли, Марко Дельвеккио ва бошқа ўйинчилар ҳаракат қилишди.

Россия жамоаси сафида Қодировдан ташқари Кержаков, Широков, Роналдиньо, Чеченистон парламенти вакили Магомед Даудов ва Шимолий Кавказ вазири Лев Кузнецов ҳам гол уришди.

Италияликлардан учала голни ҳам Марко Дельвеккио урди.