Рамос ва Марсело "Реал" сафида 22-совринни қўлга киритишди. Хентонинг рекордига бир қадам қолди
17 jul 2020 02:51
News

Рамос ва Марсело "Реал" сафида 22-совринни қўлга киритишди. Хентонинг рекордига бир қадам қолди

"Реал Мадрид" расман Ла Лиганинг 2019/20-йилги мавсум чемпионига айланди.

Ушбу соврин ҳимоячилар Марсело ва Серхио Рамос учун "Қироллик клуби" сафидаги 22-кубок бўлди (5 бор Испания чемпиони, 4 марта ЕЧЛ ғолиби, 2 марта Испания Кубоги эгаси, 4 мартадан Испания Суперкубоги ва клублар ўртасида жаҳон чемпиони ва 3 марта Европа Суперкубоги соҳиби).

Бу кўрсаткич бўйича улар мадридликларнинг собиқ ҳимоячиси Маноло Санчис (22 кубок) билан эндиликда иккинчи поғонани бўлишиб туришибди. Улардан фақатгина Франсиско Хенто кўпроқ (23) титул ютган.