Рамос: "Беш йилдан кейин Мбаппе 4-5 та "Олтин тўп"га эга бўлади"
17 jun 2025 19:39
News

Рамос: "Беш йилдан кейин Мбаппе 4-5 та "Олтин тўп"га эга бўлади"

"Реал" собиқ сардори Серхио Рамоснинг фикрича, Килиан Мбаппе яқин йилларда катта муваффақиятларга эришади.

Франциялик ҳужумчи "қаймоқранглилар" либосида дебют мавсумини ажойиб ўтказиб, 56 учрашувда 43 та гол урди, аммо жамоа асосий совринларсиз қолди. Рамоснинг фикрича, форвард "Реал"да муваффақиятга эришиши шубҳасиз.

"Беш йилдан сўнг Мбаппени хотиржамликда кўрамиз, чунки бу вақтга келиб у тўрт-бешта "Олтин тўп"ни қўлга киритган бўлади. У жуда катта истеъдод эгаси", – деди Мексиканинг "Монтеррей" жамоасида ўйнаётган Рамос.