Latest news

17:24Жиянов, Исмоилов, Бубанья, Жумаев ва бошқалар... Суперлига 10-тур рамзий терма жамоаси   0 17:10Ўзбекистон Кубоги. "Сўғдиёна" – "Хоразм ФА". Таркиблар маълум  0 16:43Дэвид Бекхэм Рубен Аморимнинг МЮдаги фаолияти ҳақида: "Уни қўллаб-қувватлаш керак, кейин натижани кўрасиз"  0 16:16ЎФА мураббийлар кенгаши йиғилишида МТЖнинг ЖЧ саралаши ва U-17 термасининг мундиалга тайёргарлиги муҳокама этилди  0 15:52Остон Ўрунов: "Ўтган мавсумдан сўнг етарлича дам олмаганим ва тиғиз тақвим туфайли мукаммал жисмоний ҳолатга кира олмадим"  5 15:27Кака Бразилия терма жамоасида Карло Анчелоттига ёрдам бериш истагини билдирди  3 14:59Ҳимояда ҳеч қандай муаммо бўлмайди. "Реал"нинг 4 нафар ҳимоячиси КЖЧда иштирок этиши мумкин  1 14:35Аббос Файзуллаев кечаги хатоси учун ЦСКА мухлисларидан кечирим сўради  9 14:08Агент Клоппнинг "Рома"га тайинлови масаласида баёнот берди  3 13:44ЎФА вакиллари "Шўртан" футбол академиясида бўлди  0 13:25"Бунёдкор" "Навбаҳор" билан ўйинда адолатсизликка учрадими? Суперлиганинг 10-туридаги ҳакамлик фаолияти таҳлили  9 13:10Ёзда эркин агентга айланадиган АПЛ футболчилари  5 12:42"Цементчи" "Арал" билан ўйин учун Нукусга бормайди. Жамоага техник мағлубият ёзилди  5 12:13"Милан" ярим ҳимоячиси "Реал"ни эмас, "Манчестер Сити"ни танлади  5 11:45"Артета эффекти": Райс "Арсенал"да олдинги фаолиятидагидан кўра кўпроқ гол урди  2

Раҳмат сизга, афсоналар! News

Раҳмат сизга, афсоналар!

Венгер, Фергюсон, Иньеста, Хави, Тотти, Буффон - гарчи исмини ёзмаган бўлсам-да, уларни яхши танийсиз.

Улар - клубга содиқлик намуналари. Улар футбол оламидаги энг буюк инсонлардан. Улар - афсоналар.

Кеча Андрес Иньеста "Барселона"даги сўнгги учрашувини ўтказди. Унинг йиғлашини кўрган бағритош инсон ҳам беихтиёр кўзига ёш олиши аниқ. Буюклар ҳам йиғлайди. Бир вақтлар Касильяс "Реал"дан кетаётганида йиғлаб, деярли гапира олмаганди ва бизни ҳам йиғлатди. Мана қандай футболчи бўлиш керак! Ўзидан ўчмас из қолдира олган улар. Бундай футболчиларни ҳеч ким унутмайди, бутун дунё қадрлайди. Уларни севишади. 100 йиллардан кейин ҳам эслаб юришади.

Бир вақтлар "Рим Императори" "Рома"даги сўнгги ўйинидан кейин шундай деганди: "Мен сизларни унутмайман, мени унутмасангиз бас!". Нақадар буюк сўзлар, буни Франческо Тотти айтди, унинг кетаётганида бутун "Олимпико" ғамга ботди.

Шундай футболчилар орқали биз футболни севамиз, клубга содиқлик тушунчасини ҳис қиламиз. Айниқса, шу сўзни ишлатганимизда кўз олдимизда Жанлуижи Буффон ҳам гавдаланади. Сиз, биз, умуман олганда барчамиз Буффоннинг сўнгги ўйинида кўз ёшимизни тийиб тура олмадик назаримда. Бутун дунё яхши кўради, ўз севимли жамоаси дарвозабонидан кўра, Буффонни устун қўяди барча, тўғри эмасми? У бутун бир фаолиятини бир нотада ўтказиб, барқарорликни сақлаб қола олган ягона посбон. Шак-шубҳасиз. Шунинг учун ҳам биз уни қадрлаймиз, шунинг учун ҳам у буюк, шунинг учун ҳам у афсона.

Иньеста "Барселона"даги сўнгги ўйинидан кейин "Камп Ноу"нинг марказида бир ўзи ўтирди ва хаёл сурди. Очиғи, ушбу расмни кўрган кўнгли бўш инсон йиғлаб юбориши мумкин. Андрес 16 йилдан буён мана шу трибуналар остида, бир неча 10 минглаб томошабинларнинг қўллаб-қувватлаши туфайли буюк футболчига айланди, жаҳон футболида катта эътибор қозонди. Гарчи у "Олтин тўп"ни ютмаган бўлса-да, бу унинг даражасига ҳеч қачон путур етказмади. Андреснинг ўйинларини томоша қилган инсон эса футболга бўлган эътибори янада кучайди.

У "Барселона"нинг ҳар бир ғалабасида ўз ҳиссасини қўшди, ғалаба ва аламли мағлубиятларда бирга бўлди ва мана у энди кетмоқда. Иньеста қайси давлатга, қандай даражадаги жамоага борса ҳам, у клубга содиқлик намунаси сифати барчага ўрнак бўла олади. 

"Барселона"нинг шундай жиҳатини ёқтираман, улар ҳеч қачон афсонавий футболчиларни шундоққина кузатиб қўймайди, алоҳида шоулар уюштиради ва муносиб кузатиб қўяди. Кечаги шоу мухлисларнинг ўзини тутиши, Иньестанинг, трибунада ўтирган Хавининг кўз ёшлари ва умуман олганда кўп жиҳатлари билан узоқ йиллар эсдан чиқариб бўлмайдиган даражада ёдда қолди. У "Барселона"да эт ва тирноқ каби бўлганди, энди "Барселона" усиз ҳам ўйнашни билиши керак. Чунки ҳеч нарса абадий эмас. Бир вақтлар "Манчестер Юнайтед"ни Фергюсонсиз, "Арсенал"ни Венгерсиз, "Рома"ни Тоттисиз, "Ювентус"ни Буффонсиз тасавввур қилиб бўлмасди. Энди гарчи оғир бўлса-да, Иньестасиз "Барселона"ни, Буффонсиз "Юве"ни кўрамиз ва ўрганамиз. Мажбурмиз шунга.

Футболда бир клубда узоқ йиллар давомида фаолият олиб бориш мумкинлигини исботлаб берганингиз учун раҳмат сизларга! Сизлар футбол афсоналарисиз!

Rating: +18   

Comments

championat.asia
< show latest news
Яндекс.Метрика