Рафинья: "Олтин тўп" мақсад эмас, асосийси – жамоавий ғалабалар"
15 may 2025 13:51
News

Рафинья: "Олтин тўп" мақсад эмас, асосийси – жамоавий ғалабалар"

"Барселона" ва Бразилия терма жамоаси ярим ҳимоячиси Рафинья нуфузли индивидуал соврин – "Олтин тўп" ҳақида фикрлари билан ўртоқлашди.

"Ростини айтсам, мен "Олтин тўп"ни мақсад қилганим йўқ. Албатта, бир кун келиб қўлга киритсам, бу клуб ва терма жамоага бўлган фидойилигимнинг самараси бўлади. Лекин менинг асл мақсадим – жамоа билан ғалабаларга эришиш. Шахсий мукофотлар кейинроқ келиши мумкин, агар улар бўлмаса ҳам, ўзимни бахтли деб биламан. Баъзан менга "Олтин тўп" билан боғлиқ ҳазиллар ва мемлар юборишади, аммо бу менинг асосий мотивациям эмас. Мен турнирларда ғалаба қозониш ва жамоага фойда келтиришни хоҳлайман", – деди Рафинья.

Футболчи "Барселона"га 2022 йилда келиб қўшилган. У 2024/25 йилги мавсум 54 ўйинда қатнашиб, 34 та гол урди ва 25 та голга ассистентлик қилди.

Аввалроқ "Goal" "Олтин тўп"га даъвогарлар рўйхатини маълум қилган эди.

Link :

Source : Barca Universal

Receive latest football news directly on your phone. Subscribe for our Telegram channel!

Rating: +8