Рафаэль Бенитес: "Мен Роналдуга жарима зарбаларини қандай тепиш кераклигини айтмаганман"

– Сиз ҳақингизда кўплаб гап-сўзлар тарқалган. Криштиануга жарима зарбасидан фойдаланишни ўргатганингиз ростми?

– Йўқ, буларнинг барчаси ҳақиқатдан узоқ. Мен ҳеч қачон бундай қилмаганман. Бир марта Австралиядаги йиғин давомида Роналду билан бу масалани муҳокама қилгандик. Мен унга "Манчестер Юнайтед"да амалга оширган жарима тўпларини таҳлил қилиб чиққанимизни айтгандим, холос. Аммо мен унга қандай тепишни айтмаганман, шунингдек, Лука Модричга ҳам оёғининг ташқи томони билан ўйнамаслиги тўғрисида кўрсатма берганим ёлғон.

– Хорватиялик футболчининг ҳаракатлари нотўғри демоқчимисиз?

– Йўқ. Мен унга айтгандимки, оёқнинг ички томони билан ўйнаш имкони бўлса, шундай қилгани маъқул. Чунки жамоадошларингизга тўпни ўзига бўсундириш осон бўлади. Менинг ўзим ҳам футболчилик фаолиятим мобайнида оёғимнинг ташқи қисми билан пас узатардим, фақат қисқа масофаларга, асосан, 10-15 метр. Модричга ҳеч нарсани таъқиқламаганман. Кўрдингизми, ёлғон маълумотнинг тарқалиши қанчалик осон", – деди айни пайтда Хитойнинг "Дальян Ифан" клубини бошқараётган испаниялик мутахассис.