Раевац – “Бунёдкор”нинг 33-легионери

Шу тариқа, Раевац “қалдирғочлар”нинг 33-легионерига айланди. Бунгача жамоа таркибида дунёнинг бешта қитъаси ва 17 хил мамлакатдан бўлган жами 32 нафар футболчи тўп тепганди.

“Бунёдкор” сафида энг кўп майдонга тушган легионер футболчи – япониялик Минори Сато. У “қалдирғочлар” сафида Осиё Чемпионлар лигаси, Ўзбекистон чемпионати ва кубоги баҳсларини қўшиб ҳисоблаганда жами 87 бор расмий учрашувларда майдонга тушган.

Энг кўп гол урган футболчи эса – бразиялик Ривалдо. У “Бунёдкор” сафида 80та учрашувда майдонга тушиб, рақиблари дарвозаларини 43 бор аниқ ишғол қилган.