Latest news

15:54Ҳали қайдномага ҳам кириб улгурмаган "Насаф" легионери сафдан чиқди  0 15:35"Олимпик"нинг қарзи 3 миллиардга етди, 4 ойдан буён маош йўқ  1 15:20"Тоттенхэм" яна оғзидаги ошни "Арсенал"га олдирмоқда   2 14:55"Реал" собиқ футболчиси "Байер"га ўтади  2 14:23"Эвертон" "Саутгемптон" вингерини 50 млн евро эвазига сотиб олди  0 13:55"Фенербахче", "Ризеспор" академиялари қатнашган халқаро турнирда "Бунёдкор-2011" бош совринга эга чиқди, иккинчи ўрин "Пахтакор-2011"га насиб қилди  1 13:35Факт. "Сўғдиёна" ўз тарихида учинчи маротаба Ўзбекистон Кубоги ярим финалига чиқди   2 13:1516 ёшли Рио "Ливерпуль" тарихига кирди   3 12:55Факт. "Навбаҳор" 8 йилдан сўнг дарвозасидан 4 та гол ўтказди  4 11:46"Сўғдиёна" мураббийи: "Бу йилги мақсадимиз - Ўзбекистон Кубоги"  7 11:21Факт. "Сўғдиёна" Ўзбекистон Кубогида 20 йилдан сўнг "Навбаҳор"ни ютди  4 10:50"Реал" футболчиси Лига 1 чемпионатига кўчиб ўтиши мумкин  0 10:33Пролига. Бугун 13-тур якунланади  0 10:05ПСЖ Доннаруммага нарх белгилади  7 09:40МЮнинг яна бир иқтидор соҳиби ёзда жамоани тарк этмоқчи  4

Қувватовдан сўнг энди Цигер "Навбаҳор"га йўл олмоқда. "Нефтчи" пойгадан чиқяптими? News

Қувватовдан сўнг энди Цигер "Навбаҳор"га йўл олмоқда. "Нефтчи" пойгадан чиқяптими?

Суперлига экваторидан ўтган. Танаффус эса жамоалар учун вақтинчалик қўниш майдончаси ҳисобланади.

Бу оралиқда тикланиб, керакли позицияларни кучайтирган ҳолда қайтар парвозга шайланишади. Мавсум бошига қараганда айнан ҳозирги жараён, тайёргарлик, маълум даражада кучайиш жамоаларнинг якундаги натижаларига таъсирини ўтказмасдан қолмайди. Хусусан, бу йил олдига чемпионлик вазифаси қўйилган "Нефтчи" биринчи даврани ўрта ўринларда якунлади. Фарғоналиклар иккинчи даврада пойгага қайтадими ёки улар бу йўлдан чиқишди? Қуйида таҳлил қилишга ҳаракат қилиб кўрамиз. 

Биринчи давра кўрскткичлари ва сўнгги ўйинлар 

Виталий Левченко жамоаси учун чемпионат старти жуда яхши бошланди. Кетма-кет 3 та ғалабадан сўнг улар 9 очко жамғарган ҳолда пешқадам сифатида кетаётганди. Лекин 4-турдан бошлаб жамоанинг натижалари пасая бошлади. "Олимпик" ва "Навбаҳор"га мағлуб бўлди, "Андижон", "Қизилқум" билан дуранг қайд этди. Кейинги турларда ОКМК ва "Бунёдкор"ни таслим қилди. Бу ерда асосий ғалабаларни аутсайдерлар устидан ва дастлабки 3 та турда қўлга киритганини таъкидлаш жоиз. Асосий рақобатчилари "Навбаҳор", "Пахтакор", "Андижон" билан баҳсларда 3 очко қўлга киритишни уддасидан чиқа олгани йўқ. "Нефтчи" сўнгги 5 та турда бор йўғи 2 очко жамғарди, холос. Агарда бу борадаги жадвалга қарайдиган бўлсак 10-ўринни эгаллаб турибди. Фактлардан маълумки, пасайиш жараёни давом этмоқда. Боз устига Ўзбекистон кубоги билан хайрлашиш эндиликда босимни икки карра оширади. Эндиликда жамоа олдида чемпионатни ютишдан бошқа йўли йўқ. 

Турнир жадвали нима демоқда?

Клуб ўзидан тепадаги "Олимпик", "Навбаҳор", "Андижон" билан бир хил 19 очкодан тўплаган. Ўзаро учрашувларга кўра устунлик рақибларда. "Пахтакор" билан фарқ 3, кучли учликдаги "Сўғдиёна" билан эса 4 очкони ташкил қилмоқда. Имконият йўқолмаган. Аммо пешқадамдан нақд 7 очкога ортда бораётгани чемпионлик ҳақидаги ҳаёлларни йўққа чиқариши турган гап. Ўтган мавсумда нисбатан яқин келган ва биринчи мағлубиятини 21-турга келиб қабул қилиб олган "Нефтчи" бу йил биринчи даврадаёқ 4 бор бунинг таъмини тотиб кўрди. Балки танаффус қайта тезлик олиш учун қўл келар. Факт шуки, биринчи ўрин билан тафовут катта. Жамоада барқарорликнинг йўқлиги эса асоси муаммолардан бири ҳисобланади. 

Таркибдаги ўзгаришлар ҳақида 

Биринчи даврада янги жалб қилинганлардан Жасур Жалолиддинов (2), Ҳусаин Норчаев (3), Нссунгуси Эффионг (4) жамоанинг асосий голларига муаллифлик қилишди. Шубҳасиз омадсиз трансфер Михай Роман бўлганини тан олиш керак. Унга 9 та ўйинда имконият берилди ва ҳамон гол уриш учун омадини кутмоқда. Афтидан ёзги трансферлар ойнаси вақтида хайрлашиши ҳам кутилганди. Ҳужум чизиғида Эффионг, Норчаев, Норхонов, Амоновнинг борлиги унга ҳеч қандай имконият қолдирмайди. Санжар Қувватов "Навбаҳор"га йўл олди ва жамоада ўйнаши мумкин бўлган 2 нафар кипер қолди. Унинг кетидан Цигер ҳам Наманганга қайтади деган гаплар амалда тасдиғини топса, бу позицияларда рақобат сезиларли даражада камаяди. Иккинчи даврада асосий кипер Ботирали Эргашев бўлса, мудофаа чизиғида Жўрабоев, Убайдуллаев, Ғофуров, Муҳторов тўп тепади. Цигер эса биринчи даврада ҳимоянинг асосиий фигураси бўлиб хизмат қилганди.

Rating: +2   

Comments

championat.asia
< show latest news
Яндекс.Метрика