Қувониқ Рўзиев: "Қўқонлик мухлисларни соғинганман"

-Аввломбор Қўқон аҳлига катта салом. Яна ўз уйимга келганимдан хурсандман. Ўйинга келадиган бўлсак бугунги ўйин ҳар икки жамоа учун ҳам жуда муҳим ҳисобланади. Бизни таьқиб қилиб келаётган “Бунёдкор” бу турда очко йўқотди. Қўқонни таьқибчилари эса аксинча очко ишлашди. Шунинг учун ҳар иккала жамоага бугун ғалаба сув ва ҳаводек зарур. Шу сабабли бугун чиройли ва шиддатли ўйин бўлишини кутяпман. “Қўқон-1912” сюрприз қилишни яхши кўрадиган жамоа. Ўтган мавсумда бу жамоа “Локомотив”ни чемпионликдан маҳрум қилган. “Пахтакор”дан очко тортиб олган.  Қўқонликларни менсимаслик яхши оқибатга олиб келмайди деб ўйлайман. Шунинг билан бирга Қўқонлик мухлисларимни соғинганимни хам айтиб ўтмоқчиман.

"Қўқон-1912" матбуот хизмати