Қувайт – Ливан (0:0) ўйинидан кейинги фикрлар
16 nov 2013 10:49
News

Қувайт – Ливан (0:0) ўйинидан кейинги фикрлар

Осиё Кубоги саралаш босқичидан ўрин олган Қувайт – Ливан баҳсида ҳисоб очилмади. Шу куни майдон эгалари сафида жароҳат олган Бадир Ал Мутванинг йўқлиги яққол билинди. Ливан ўз майдонида бўлгани каби сафарда ҳам дуранг натижага эришди.

Жузеппе Жаннини (Ливан термаси бош мураббийи): “Биз ажойиб ўйин ўтказдик. Майдонга тушган ҳамма шогирдларим бир хил ўйин кўрсатишди. Кейинги турда Эронни мағлуб этишимиз лозимлигини сезиб турибман, аммо бу осон бўлмайди. Агар Эронга қарши бугун иккинчи таймда кўрсатган ўйинимизни намойиш эта олсак, улардан ҳам очко оламиз. Токи Осиё чемпионатига бориш учун имконият бор экан, охиригача курашамиз”.

Жорван Виейра (Қувайт термаси бош мураббийи): “Биз ўйинни кучли бошладик ва бир нечта вазиятларга эга бўлдик. Аммо шунча ҳаракат билан гол ура олмадик. Ваҳоланки, ўйин тўлиқ назоратимиз остида ўтди дея оламан. Якуний ҳисоб шуни кўрсатяптики, Осиё чемпионатига чиқиш учун қолган ўйинларда мағлуб бўлмаслигимиз шарт. Тўғри, гуруҳда ҳамон иккинчи ўриндамиз, лекин Ливанни ўтказиб юбормаслигимиз керак”.

Х.Холиқов тайёрлади.

Link :

Source : championat.asia

Receive latest football news directly on your phone. Subscribe for our Telegram channel!

Rating: