Қувайт бош мураббийи: “Шогирдларим билан фахрланаман”
04 mar 2014 14:37
News

Қувайт бош мураббийи: “Шогирдларим билан фахрланаман”

Осиё Кубоги-2015 саралаш босқичидан ўрин олган Эрон – Қувайт баҳсида қувайтликлар 2:3 ҳисобида мағлуб бўлишди.

Қувайт термаси устози Жорван Виейранинг ўйиндан сўнг айтган гаплари қуйидагича бўлди:

“Мен шогирдларимни танқид қилишни хоҳламайман. Улар қўлдан кеганча ҳаракат қилишди. Мен қўл остимда тўп сураётган футболчилар билан фахрланаман. Ўтказиб юборилган тезкор гол бирмунча салбий таъсир кўрсатди. Шундан кейин ҳимояда бирин-кетин хатога йўл қўя бошладик”.

“Ўйлайманки, биринчи бўлимда яхши ўйин кўрсатдик. Иккинчи таймда эса йигитлар толиқиб қолишди ва бу мағлубиятга сабаб бўлди. Ҳатто иккинчи тўпни ўтказиб юборгач ҳам вазиятни ўнглай олдик, бироқ ўйин охирларида яна гол ўтказиб юбордик. Мағлубиятга учраган бўлсак-да, Австралияда бўлиб ўтадиган Осиё чемпионатига борамиз ва бундан жуда хурсандмиз”.

Link :

Source : championat.asia

Receive latest football news directly on your phone. Subscribe for our Telegram channel!

Rating: