"Қуруқ ўйин"лар кимда кўпроқ?
12 nov 2022 02:27
News

"Қуруқ ўйин"лар кимда кўпроқ?

Бугун тугайдиган мавсумга алоқадор қизиқарли фактларни келтиришда давом этамиз.

2022 йил барча учрашувларда майдонга чиқиш бахти ҳозирча фақат 2 дарвозабонга насиб қиляпти: Ўткир Юсупов ("Навбаҳор") ҳамда Абдумавлон Абдужалилов ("Локомотив") — 25тадан.

Энг кўп гол ўтказган киперлар:

	футболчи	ўйин	ў-гол
1	Абдумавлон Абдужалилов	25	33
2	Милан Митрович	24	28
3	Милое Пракович	15	26

"Қуруқ ўйин"лар сони бўйича Ўткир Юсупов пешқадам — 13та. Аммо, нолга турилган ўйинларнинг умумий учрашувлар сонига нисбати Элдорбек Суюновда яна барчадан яхшироқ (62,5%).

Пенальтиларни зарарсизлантириш бўйича эса Суҳроб Султонов бошқа ҳамкасбларига "мастер-класс" ўтган (4 марта). "Бунёдкор" посбони йил давомида Йован Жокич, Жасур Жалолиддинов, Шаҳзод Убайдуллаев ҳамда Марко Станоевичнинг 11 метрли нуқтадан тепган тўпларини бартараф қилди.

Бу йил майдонга тушган энг тажрибали посбон футболимиз афсонаси Игнатий Нестеров ҳисобланади (39 ёш). Энг ёши — "Олимпик" вакили Ҳамидулло Абдунабиев (19 ёш).

Айни пайтда Суперлига голкиперлари орасида трансфер қиймати энг юқориси Абдувоҳид Неъматовди (650 минг евро).

"SportStat" маълумотига кўра, ҳаводаги узатмаларга эга чиқиш (82) ва тўпни ушлаб олиш (105) борасида "Локо" дарвозабони Абдумавлон Абдужалилов энг яхши натижани қайд этяпти. Сейвлар сони бўйича энг юқори кўрсаткич Ботирали Эргашов, Милоев Пракович ҳамда Сухроб Султоновга тегишли (33-34).

Муаллифнинг телеграмдаги канали → ФР| футбол АНАЛИЗИ