Қозоғистон миллий жамоаси сардори “Ал-Айн”га ўтмоқда

“Қайрат”ни эркин агент сифатида тарк этиб, бироз муддат “Зенит”нинг кузатуви остида бўлган ярим ҳимоячи Бауиржан Исламхан фаолиятини БААда давом эттиради. 

У “Ал-Айн” таркибида тиббий кўрикдан ўтиш учун Россиядан Амирликларга учиб кетган. Маълум бўлишича, 26 ёшли футболчи “Ал-Айн” билан 5 ойга мўлжалланган шартнома имзолайди. 

Аввалроқ, Исламхан мавсумлар оралиғида "Зенит" сафида машғулот ўтказгани ҳақида хабар бергандик. Бироқ, Россия клуби Қозоғистон ТЖ сардори билан келишувга эришмаган.