Қорақалпоғистонлик футзалчилар охирги 15 йилда қандай муваффақиятларга эришишди?

Қуйида бу ҳақда маълумотга эга бўлишингиз мумкин.

2002 йили Тошкент шаҳрида мактаб ўқувчилари ўртасида ўтказилган Ўзбекистон Болалар спортини ривожлантириш Жамғармаси кубоги чемпиони бўлишди.

2003 йили Тошкент шаҳрида ўтказилган II лига жамоалари ўртасида ўтказилган Ўзбекистон Биринчилигида учинчи ўрин қўлга киритилди.

2007 йили Тошкент шаҳрида мактаб ўқувчилари ўртасида ўтказилган Ўзбекистон Болалалр спортини ривожлантириш Жамғармаси кубогида беш йиллик танаффусдан сўнг яна ғолиблик нашидасини суришди.

2008 йили Тошкентда Олимпия захиралари колледжи ўқувчилари ўртасида ўтказилган Ўзбекистон Биринчилигида бронза медали қўлга киритилди.

2011 йили Тошкентда Тиббиёт бирлашмаси Марказий Касаба уюшмаси томонидан тиббиёт ходимлари ўртасида ўтказилган Ўзбекистон Биринчилигида чампион бўлишди.

2012 йили Тошкентда “Қирқ-қиз” жамоаси II лига жамоалари ўртасида ўтказилган Ўзбекистон Биринчилиги ғолиби бўлди. Шу йили ушбу жамоа мазкур мусобақада яна иштирок этиб иккинчи ўрин эгасига айланди.

2016 йили Тошкентда Банк ходимлари ўртасида ўтказилган Ўзбекистон Биринчилигида чампион бўлишди.

2017 йили Тошкент шаҳрида ташкиллаштирилган Олий лига жамоалари ўртасида ўтказилган Ўзбекистон Биринчилигида “Қирқ-қиз” жамоаси тўртинчи ўринни эгаллади.

Фурқат Юсупов