Latest news

00:49Шахзод Азмиддинов "Пахтакор" билан хайрлашди  4 00:15Ўзбекистон U-17 терма жамоаси "Чертаново" билан дуранг ўйнади  7 23:57"Реал" Конатени нишонга олди  2 23:28"Пахтакор" бугун Камолиддин Тожиевни бош мураббий этиб тайинлади, аммо унда Про лицензияси йўқ  3 23:14Расман: "Арсенал" Гёкерешни 63,5+10 млн еврога сотиб олди  6 22:58Гёкереш тиббий кўрикдан ўтди ва "Арсенал" билан шартнома имзолади (Фабрицио Романо)  2 22:35Назорат ўйини. "Нефтчи" ФарДУни аяб ўтирмади, Нимели ва Марушичдан дубль  6 22:17Александар Митрович - "Манчестер Юнайтед"нинг янги мақсади  1 21:45Назорат учрашуви. "Пахтакор" ва "Бунёдкор" жамоалари ўртасидаги ўйинда ғолиб номи аниқланмади  8 21:22"Тоттенхэм" Родриго учун курашга киришди  2 20:47"Манчестер Сити" Эдерсонни сотишга тайёр  2 20:20Ўртоқлик ўйини. "Сурхон" "Бухоро"дан устун келди  7 19:58"Ливерпуль" Англия терма жамоаси вингерини нишонга олди  3 19:00Ўртоқлик ўйини. "Милан" Гонконгда "Ливерпул"ни мағлуб этди  4 18:40"Реал" "Арсенал" билан учрашув учун делегация тайёрламоқда  10

"Қўқон-1912" ва "Сурхон" ўзаро ўртоқлик учрашуви ўтказди News

"Қўқон-1912" ва "Сурхон" ўзаро ўртоқлик учрашуви ўтказди

"Қўқон-1912" клуби Термизнинг "Сурхон" клубига қарши назорат баҳсида майдонга тушди.

Давралар оралиғидаги танаффусдан унумли фойдаланиб, иккинчи даврага қизғин тайёргарлик кўраётган "Қўқон-1912" жамоаси бугун Тошкент шаҳрида назорат учрашувини ўтказди.

"Шунқорлар"нинг рақиби Термизнинг "Сурхон" жамоаси бўлди. Бахтиёр Ашурматов ўртоқлик ўйинида таркибда бўлиб турган барча футболчиларга ўйнаш имконини берди. Жароҳат сабабли Мурод Холмуҳаммедов ҳамда яқинда ўз ватанидан қайтиб келган Славко Лукичлар бугунги ўйинда қайдномага киритилмади.

Учрашув водийликларнинг ҳужумлари билан бошланди. Ўйиннинг дастлабки дақиқаларида Хамиддило Абдухамидов ҳамда Шоҳназар Норбековларда қулай имкониятлар юзага келди, улар вазиятлардан фойдалана олишмади. Ўйиннинг 35-дақиқасига келиб рақиб ҳимоячилари Хамидилло Абдухамидовни тўхтатиб қолишни уддасидан чиқа олишмади. Хамиддилло дарвозабон билан деряли бирга-бир вазиятга чиқиб, учрашувдаги ҳисобни очди. 

Иккинчи бўлимда жамоа таркибида бир нечта ўзгаришлар бўлди. 53-дақиқада чап қанотдан рақиб жарима майдончасига ёриб кирган Суҳроб Бердиев икки нафар рақибни алдаб ўтди ва дарвоза томон аниқ зарба йўллаб ҳисобни ўзгартирди. Иккинчи голдан сўнг термизлик футболчилар ҳисобни қисқартириш учун олдинга интилишди. Қарши ҳужумда Анвар Ҳожимирзаев ҳимоячилардан қочиб кетди ва "Сурхон" дарвозасига учинчи голни киритди.   

Учрашувнинг қолган қисмида ҳар икки жамоа футболчилари ҳарчанд уринишмасин, дарвозаларга бошқа гол киритилмади. Шундай қилиб  "шунқорлар" Қурбон ҳайити байрамини нишонлаш учун  юқори кайфиятда уйларига жўнаб кетишди. Жамоа навбатдаги машғулотларни 22 июль кунидан  яна Тошкент шаҳрида давом эттиради. 

Ўртоқлик учрашуви 

"Қўқон-1912" — "Сурхон" 3:0

Голлар: Хамидилло Абдухамидов (35), Суҳроб Бердиев (53), Анвар Хожимирзаев (66).

Rating: +6   

Comments

championat.asia
< show latest news
Яндекс.Метрика