"Қўқон-1912"ни яна бир футболчи тарк этди

2016 йилги футбол мавсумида "Қўқон-1912" жамоаси сафига келиб қўшилган Бердиев ўзининг ажойиб финтлари, бетакрор узатмалари ҳамда чиройли голлари билан жамоа мухлисларининг қалбларидан чуқур жой эгаллади.

"Ўтган йиллар давомида Қўқон ўз уйимдагидек бўлиб қолган эди. Бу жамоа ва унинг мухлислари бир умр қалбимда қолади. Фаолиятим давомида мени қўллаб турган , жароҳат олиб майдонда кўринмай қолган пайтларимда ҳам мени унутмаган мухлисларимдан чексиз миннатдорман. Қўқонлик мухлисларга катта раҳмат айтаман. Жамоага келаётган мавсумда омад тилайман" - дейди Суҳроб Бердиев.

Биз ҳам ўз навбатида Суҳроб Бердиевнинг кейинги фаолиятларида улкан муваффақиятлар тилаб қоламиз. Бердиевнинг Қўқон футболига қўшган улкан ҳиссасини унутмаймиз!", - деб ёзади "Қўқон-1912" матбуот хизмати. 

Эслатиб ўтамиз, бунгача "Қўқон-1912"ни Муҳаммаданас Ҳасанов, Шоҳназар Норбеков каби футболчилар тарк этганди.