“Қўқон-1912”да футбол қоидалари бўйича семинар бўлиб ўтди

Семинарни Ўзбекистон футбол ассосацияси, ҳакамлар департаментининг етакчи мутахассиси Владислав Цейтлин ўтказди.

Семинар давомида футболчилар ФИФА томонидан футбол қоидаларига киритилган ўзгаришлар борасида маълумотга эга бўлдилар.

Қўқонликлар матбуот хизмати томонидан маълумот берилишича, Цейтлин футболчиларга футболда учраб турадиган баҳсли  ҳолатлар акс этган  видеолавҳалар намойиш қилиб бундай вазиятларда қандай ҳаракат қилиш лозимлигини тушунтириб ўтди. Ўз навбатида футболчилар ҳам ўзларини қизиқтирган саволларга мутахассисдан жавоблар олишди.