«Қўқон-1912»: Тошкентда фарм-клуб очилди

Бу ҳаракатлар самараси ўлароқ куни кеча Тошкент шаҳрида жамоанинг фарм-клуби очилди. Эсингизда бўлса бир пайтлар Тошкентнинг «Бунёдкор» жамоаси Қўқонда шундай фарм-клуб очган эди. Мана энди бунинг акси бўлиб қўқонликлар Тошкент шаҳрида шундай клуб очишди. Фарм-клубда 1998-2000 йилларда туғилган болалар Тошкент шаҳар биринчилигининг 2-лигасида тўп тепишади. Бу жамоага истеъдодли ешлар мураббийи Фарҳоджон Раҳимбердиев устозлик қиладиган бўлди. Жамоа машғулот ва уй ўйинларини ўтказиши учун Тошкент тўқимачилик комбинати ўйингоҳи ижарага олинди. Фарм-клуб очишдан мақсад «Қўқон-1912» жамоасиги янги футболчиларни тарбиялаб етказиб беришдир.

Мухлисларда савол туғилиши мумкин жамоага ёш футболчиларни Қўқонда тайерласа бўлмайдими? Бу борада ҳам жамоада ишлар фаол олиб борилмокда. Ҳозирги кунда Фарғона вилояти биринчилиги 2-лигасида жамоанинг ёш футболчилари тўп тепишмоқда. Яна бир янгилик эса энди Қўқон жамоаси ўзининг акдемиясига ҳам эга бўлади. Бунинг учун Қўқон шаҳридаги собиқ «Орленок» лагерининг 3 гектарли ҳудуди «Қўқон-1912» жамоасига берилди. Шу кунларда бу жойда акдемия қурилишини бошлаш учун вилоят ҳокимлигига ҳужжатлар тайерланмоқда. Вилоят раҳбарининг фармони чиқиши билан бу ишлар ҳам бошлаб юборилади. Биз юқоридаги ишларни бажарилишида «Қўқон-1912» жамоаси раҳбариятига куч-қувват ва омад тилаймиз. Ишонамизки Қўқон жамоаси келажакда албатта ватанимизнинг энг кучли жамоалиридан бири бўлади.

Акрамжон Мамадалиев