"Қўқон-1912": Тайёргарлик режаси тасдиқланди

Биринчи йиғин 17 декабрь куни Қўқон шаҳрида бошланади. 28 декабрга қадар давом этадиган йиғинда жамоа шарафини ҳимоя қилган футболчилар иштирок этиши кутилмоқда. 28 декабрь куни янги йил байрами муносабати билан катта тадбир ўтказилади. Унда 2015 йилги мавсумда жамоада фаолият юритган футболчилару, мураббийлар иштирок этиши кўзда тутилган. Шундан сўнг, футболчиларга қисқа муддатли таътил берилади. Иккинчи йиғин 4-17 январь кунлари Тошкент шаҳрида бўлиб ўтади. Учинчи йиғин 20 январдан – 5 февралгача яна Қўқонда ўтказилади. Бу йиғин мобайнида жамоа “Вилоят ҳокими кубоги”да қатнашишни режалаштирилган. Сўнгги тўртинчи йиғин эса 5 – 25 февраль оралиғида Тошкентда ташкил этилади. Бунда ПФЛ Кубогида қатнашиш кўзда тутилган.

Вазиятга қараб, хорижда йиғин ташкил этилиши ҳам мумкин.