“Қўқон-1912” тарихий ғалабага эришди

Бу жамоалар Ўзбекистон чемпионатида ҳозирга қадар 10 марта ўзаро ўйин ўтказишган. Беш марта "Локомотив" ғалаба қозонган ва беш бор дуранг қайд этилган. "Қўқон-1912" ўз тарихида ҳеч қачон бу жамоани мағлуб эта олмаганди. Ниҳоят ушбу мавсумда қўқонликлар бу ишнинг уддасидан чиқиб, “қора анъана”га барҳам беришди.

Яна бир факт ушбу баҳсда номинал мезбон “Локомотив” ҳисобланарди. Ашурматов жамоаси расман меҳмон жамоа мақомида тўп тепиб, ушбу мавсумда илк бор сафар ўйинда илк очколарини қўлга киритди. Бунгача “Қўқон-1912” 2020 йилги Суперлига беллашувиларида учта сафар учрашувини ўтказиб, барчасида мағлубият аламини татиб кўришга мажбур бўлганди.