"Қўқон-1912" сафига легионер футболчи келиб қўшилди

Ўтган мавсумни Сербия суперлигаси вакили “Инджия” клубида ўтказган Иван Йосович жамоа машғулотларида иштирок этади. 30 ёшли ҳимоячи Сербияда давом этаётган чемпионат баҳсларида (20-тургача) 11 та учрашувда майдонга тушган.

Умуман олганда, Иван фаолиятининг асосий қисмини “Явор” жамоасида ўтказган. Ушбу жамоа сафида ўзбекистонлик футболчи Ҳусниддин Ғофуров билан бирга ўйнаганини ҳам таъкилаш жоиз.

Легионер футболчининг ҳаракатлари мураббийлари штабига маъқул келадиган бўлса, у билан шартнома имзоланади.

Эслатиб ўтамиз, шу кунга қадар “Қўқон-1912” жамоаси сафида етти нафар сербиялик футболчи тўп тепган эди.

Маълумот учун:
Тўлиқ исми -Иван Йосович
Туғилган сана - 27 декабрь 1989 й. (30 ёш)
Туғилган шаҳри - Иваница, Сербия
Буйи: 1,85 м
Вазни: 75 кг
Амплуаси: Марказий ҳимоячи

Ўйнаган жамоалари:
Явор (Иваница) – 2010-2015
Борак – 2015
Явор (Иваница) – 2016 – 2019
Инджия – 2019 - ...