"Қўқон-1912": Ўзини кўрсатаётган ёшларимиз

Якунига етган мавсумда бу яна бир бор ўз исботини топди.

Ушбу мавсумда жамоамиз сафида уч нафар ёш футболчи Олий лигадаги дебют учрашувини ўтказишди.

2015 йили ёшлар лигасидаги ўйинлари орқали мухлис ва мутахассислар эътиборига тушган Иқбол Маликжонов учун жори йил омадли ўтди, десак муболаға бўлмайди.



Ёш футболчимиз Олий лигада дебют учрашувини ўтказди. Қолаверса, Фарғонада ўтказилган “Универсиада-2016” мусобақасида кумуш медалга сазовор бўлди.

Яна бир ёш футболчимиз Ойбек Рустамов ҳам 2016 йилни бир умр эслаб юрса ажаб эмас. Сабаби, 19 ёшли ҳимоячимиз ҳам якунига етган мавсумда Олий лигада дебют қилди. Бундан ташқари, Жасур Абдураимов бошқарган Ўзбекистон ёшлар терма жамоаси билан бирга Осиё чемпионатида иштирок этди.



Ўтган йили ўринбосарлар таркибида ёрқин ўйин намойиш этган Аваз Маматхўжаев ҳам бу йил элитада деюбт қилишга муваффақ бўлди. Биринчи давра якунланиш арафасида Олий лигадаги биринчи учрашувини ўтказган ёш футболчимиз иккинчи даврада деярли асосий таркиб ўйинчисига айланди.



Якунига етган мавсумда жамоамиз ғалабаларига ўзларининг улкан ҳиссаларини қўшган бу ёш футболчиларимизга янги мавсум ҳам мана шундай омадли ўтишини тилаб қоламиз.