"Қўқон-1912": Ноябрь ойида кимлар билан ўйнаймиз?

Аниқроғи, яна икки турдан кейин Ўзбекистон 24-миллий чемпионати ҳам тарихга айланади. Бу йилги биринчилигимиз анча шиддатли ва кескин курашларга бой тарзда ўтмоқда. Чемпионат якунланишига 2 тур қолган бўлса-да, чемпионлик масаласи очиқ турибди. Қолаверса, элитани ким тарк этиши ҳам номаълум. Бизнинг жамоамиз эса сўнгги икки турдаги ғалабадан кейин Олий лигадаги ўрнини сақлаб қолди. Шундай бўлса-да, хотиржам бўлишга ҳаққимиз йўқ. Қолган икки ўйинда ҳам мухлисларни хурсанд этишни мақсад қилганмиз.

Келинг, ноябрь ойидаги ўйинларимиз тақвими билан таништириб ўтсак. 5 ноябрь куни Қўқондаги “Марказий” ўйингоҳда Жиззахнинг “Сўғдиёна” клубини қабул қиламиз. Кейин эса терма жамоамизнинг ўйинлари муносабати билан чемпионатда кичик танаффус эълон қилинади. Ниҳоят, 20 ноябрь куни Тошкентда “Бунёдкор”га қарши майдонга тушамиз. “Бунёдкор” ўйингоҳидаги учрашув билан бу йилги чемпионат ўйинлари якунига етади.

ПФЛ регламентига кўра, ҳар икки беллашув ҳам соат 14:00да бошланади.

 

Ўйинлар тақвими билан танишинг:

Олий лига

29-тур
5 ноябрь
“Қўқон-1912” – “Сўғдиёна”

30-тур
“Бунёдкор” – “Қўқон-1912”.