"Қўқон-1912": Мавсумдаги биринчи соврин ФОТОМАҚОЛА

Нўъмон Ҳасанов шогирдлари “Вилоят Ҳокими Кубоги-2017″нинг ҳал қилувчи ўйинида “Истиқлол”га қарши майдонга тушиб, 2:0 ҳисобида ғалаба қозонишди.

“Вилоят Ҳокими Кубоги-2017” финалига бағишланган фотомақола билан танишинг:

Финал учрашуви катта байрамга айланиб кетди. Ўйиндан олдин таниқли хонандалар ўзларининг қўшиқлари билан стадионга йиғилган мухлисларни хурсанд этишди.

Учрашувдан олдин ҳар икки жамоа эсдалик учун суратга тушишди.

Ўйин бошланишидан олдинги анъаналар.

Ойбек Рустамов финални ҳам юқори савияда ўтказди.

Футболчимизнинг қайси услубидаги зарбасига бироз аниқлик етишмади.

Баҳодир Пардаев доимгидек фаол. Лекин унга бу сафар гол киритиш насиб этмади.

Суҳроб Бердиев ҳисобни очишга муваффақ бўлди.

Никола Валентич бор мароҳатини ишга солишга ҳаракат қилди.

Олдинги учрашувларда рақиблар дарвозасини ишғол этган Филип Райевац финалда гол кирита олмади.

Ўша Бартез лақаби билан машҳур бўлган Дониёр Усмонов биринчи лиганинг янги вакили шарафини ҳимоя қилмоқда.

Мурод Холмуҳаммедов янги ҳужумни бошлаш арафасида.

Учрашув мана шундай кескин курашлар остида ўтди.

“Истиқлол”нинг яна бир юлдузи – ўша Мексика қаҳрамонларидан бири – Давлатбек Ёрбеков.

Иккинчи гол рақиб дарвозасига киритилди.

“Истиқлол” бош мураббийи Ноил Губанов ўйинни ҳаяжон билан кузатиб бормоқда.

Фарғона Футбол федерацияси биринчи вице-президенти Тоҳир Кападзе тақдирлаш маросимини очиб берди.

Жамоамиз етакчиси Жалил Кимсанов – бош совринни қабул қилиб олмоқда.

Улар Фарғона вилоят ҳокимлигининг қимматбаҳо совғалари билан тақдирланишди.

Бош соврин билан бирга эсдалик учун сурат. Бундай онлар учун борингни берсанг арзийди. Қўқонда катта байрам. Бу кун Қўқон футболи тарихида унутилмас кун сифатида қолажак.

Финал учрашуви қаҳрамони “Спорт” телеканали учун интервью берди.

Учрашувни “ФарДУ” стадионида уч мингдан зиёд мухлис бевосита стадионда томоша қилди. Бундай ҳолатга олий лиганинг айрим клублари ҳавас қилса арзийди. “ФарДУ” стадионига келганлар шиддатли баҳснинг гувоҳига айланишди.

Қўқонлик футбол мухлислари эса уйларига хурсанд ҳолда қайтишди. Уларнинг қувончи бардавом бўлишини тилаб қоламиз.