“Қўқон-1912” клуби собиқ футболчиларини судга берди
19 feb 2021 19:57
News

“Қўқон-1912” клуби собиқ футболчиларини судга берди

Хабарингиз бор “Қўқон-1912” футбол клуби, собиқ легионер футболчилари, дарвозабон Боян Кнежевич ҳамда Милош Николич билан юзага келган муаммо туфайли ФИФА томонидан тақиққа учраганди.

Жамоа ФИФА талаб қилган 24 871 евро миқдоридаги маблағни кўрсатилган ҳисоб-рақамга ўтказиб берди ва натижада ФИФА жамоага қўйилган тақиқни бекор қилди.

“Қўқон-1912” жамоаси собиқ футболчилари Боян Кнежевич ҳамда Милош Николични жамоага келтирган молиявий зарарлари ва ноқонуний ҳаракатлари учун судга берганлигини маълум қилади. Ҳозирги кунда клуб ФИФАнинг низоларни ҳал қилиш палатасида бу ишни қайтадан очди. Туркиянинг NAZALI юридик компанияси ва адвокат жаноб Анил Динчер “Қўқон-1912” футбол клуби номидан юқоридаги суд иши бўйича вакил бўлишади.

Эслатиб ўтамиз, дарвозабон Боян Кнежевич ҳамда ҳимоячи Милош Николич 2019 йилги футбол мавсумида уч ой давомида "Қўқон-1912" шарафини ҳимоя қилишган эди.

Link :

Source : kokand1912.uz

Receive latest football news directly on your phone. Subscribe for our Telegram channel!

Rating: +19