"Қўқон-1912": Кичик дербига аталган фотомақола

“Андижон”га қарши кечган баҳснинг 26-дақиқасида Аслиддин Соипов томонидан киритилган гол ўринбосарларимизга ғалаба келтирди. Қуйида ушбу учрашувдан тайёрланган фото мақола билан танишинг:

Футболчилар майдонга тушиб келишмоқда. Маъруф Зокиржонов ўринбосаларимизни сардор сифатида майдонга бошлаб тушди.

Ўйинни бошқарган Игорь Гормашов ҳар икки жамоа сардорлари билан биргаликда учрашувни ким бошлаб беришига ойдинлик киритмоқда.

Мезбонларнинг шиддатли ҳужумларидан бири.

Бурчакдан оширилган тўпни Аслиддин Соипов боши билан аниқ дарвозага йўллаб, ҳисобни очди. Баҳс давомида ўзини кўрсатган меҳмонлар посбони бу вазиятда жамоасини голдан қутқара олмади.

Гол завқи барбир бошқача бўлади. Футбол айнан шу жиҳати билан гўзалдир.

Достон Мелиқўзиевнинг мана шу зарбаси голга айланганидан ҳисоб ошган бўларди. Аммо ёш ҳужумчимиз зарбаси йўлига андижонлик дарвозабон туғаноқ бўлди.

Маъруф Зокиржонов рақибининг ўтиб кетишига йўл қуймаяпти.

Иқбол Маликжонов доимгидек фаол. Қўқон футболида яна бир юлдуз етишиб чиқмоқда.

Аброр Раҳмонов рақибларга етарлича ташвиш туғдирди.

Захирадан майдонга тушган Азизхон Ибрагимов ўйинни кучайтиришга эришди.

Авазхон Маматхўжаев икки рақиб қуршовида.

Достон Мелиқўзиевни мана шу тарзда кутиб олиш одатга айланди.

Меҳмонлар устозини тушуниш мумкин. Унинг шогирдлари кетма-кет учинчи учрашувда мағлубиятга учради.

Муҳиддин Абдувалиев шогирдларига тинмай кўрсатма бериб турди. Натижа ҳам шунга яраша бўлди.

Мухлисларимиз бу бизнинг катта ютуғимиз. Бугун уларнинг сони ошиб кетишига ишончимиз комил.