"Қўқон-1912": Кеча икки маҳал машғулот ўтказилди

Аниқроғи, Олий лига-2016 бошланишига ҳам саноқли кунлар қолди. Жамоамиз аъзолари эса ҳар кунни ғанимат билиб тайёрларлика зўр беришмоқда. Кеча вакилларимиз икки маҳал машғулот ўтказишди. Машғулотларда бетоблиги боис, Алишер Зиявуддинов ва Миржалол Қурбоновлар иштирок этишмади. Шунингдек, Руслан Матниязов ҳам ҳали сафга қайтгани йўқ.

Жароҳат боис, Тошкентдаги йиғинда қатнаша олмаган Носирбек Отақўзиев ва Нодир Қўзибоевлар машғулотларга қўшилишди. Отақўзиев якка ҳолда шуғуллаётган бўлса, Қўзибоев умумий гуруҳ билан машғулот олиб бормоқда.

Мураббийлар штабида ўзгариш рўй берди. Дарвозабонлар мураббийи Хислат Чилматов жамоамизни тарк этди. Эндиликда у “Андижон” жамоасида фаолият юритади.