Latest news

08:40Бухорога Суперлига ўйинларини қайтариш ҳаракати бошланди  1 08:17Sofascore. Захирадан майдонга тушган Ўринбоев энг катта баҳолардан бирини олди  3 07:52"CAFA Nations Cup-2025" . Қўшниларимиз ўзаро дуранг ўйнаган учрашувдан ФОТОГАЛEРEЯ  0 07:25"Ал Иттиҳод" мавсумни йирик ғалаба билан бошлади. Бенземадан хет-трик  0 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  25 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  2 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  18 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  49 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  7 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8

“Қўқон-1912” жамоаси дастлабки йиғинни бошлади. Мураббийлар штабида ўзгариш бор News

“Қўқон-1912” жамоаси дастлабки йиғинни бошлади. Мураббийлар штабида ўзгариш бор

Мавсум якунланганидан сўнг танаффусга чиққан “Қўқон-1912” жамоаси аъзолари кеча Қўқон шаҳрида йиғилишди.

Дастлаб жамоа қароргоҳида клуб раҳбарлари ҳамда футболчилар иштирокида йиғилиш бўлиб ўтди. Йиғилишда “Қўқон-1912” жамоаси президенти Бахтиёржон Толипов футболчиларга жамоанинг янги бош мураббийи Бахтиёр Ашурматовни таништирди.

- Мавсумни якунлаб берган Азиз Тўхтабоев бошчилигидаги барчага ўз миннатдорчилигимни билдираман. Жамоамиз 1-даврадан сўнг қийин аҳволга тушиб қолган эди. Шундай вазиятда қўрқмасдан масъулиятни ўзига олган Азиз Тўхтабоевга катта раҳмат. Шунингдек Тимур Кападзега ҳам берган ёрдамлари учун миннатдорчилигимни изҳор қилмоқчиман.

Барчангизни хабарингиз бор жамоамизга бош мураббий этиб Бахтиёр Ашурматовни тайинладик. Ашурматовга мураббийлар штабида яна бир Қўқон фарзанди Зоҳиджон Нурматов ёрдам беради. Ўйлайманки барчангиз Бахтиёржонни яхши биласиз ва бу кишини атрофида жипслашиб мухлисларимиз учун чиройли футбол ҳамда яхши натижа қилиб берасизлар. Биз қўлимиздан келганча энг яхши шароитларни сизлар учун яратиб беришга ҳаракат қиламиз. "Қўқон-1912" жамоасини ҳам юқори ўринларда кўрадиган вақтимиз етиб келди деб ишонаман – деди жумладан Бахтиёржон Толипов.



Шундан сўнг Бахтиёр Ашурматов жамоа аъзолари билан алоҳида суҳбат олиб борди.

- Барчангизни кўриб турганимдан хурсандман. Авваламбор раҳбариятга менга билдирилган ишончлари учун миннатдорчилик билдирмоқчиман. Қўқонга яхши ниятлар ва юқори мақсадларни кўзлаб келганман. Охирги пайтларда мураббийлик фаолиятим бир текис кечмади. Сизларнинг ёрдамингизда мураббий сифатида янги даражага чиқишимга ишонаман. Энг асосий мақсадимиз жонкуяр мухлисларимиз ишончини қозониб, уларни яна стадионга қайтаришимиз лозим. Бунинг учун эса ҳар бир ўйинда жанговор, чиройли футбол намойиш қилишимиз керак бўлади. Бугундан бошлаб ўзимизга билдирилган ишончни оқлаш учун қаттиқ меҳнатни бошлаймиз. Барча футболчилар соғлом рақобатга тайёр бўласизлар. Мен жанговор футболни яхши кўраман. Ўйин вақтида якка курашлардан ўзини олиб қочадиган футболчиларга қийин бўлади. Барчангиздан жанговор футболга тайёр бўлишларингни талаб қиламан. Ҳаммаларингга бу йўлда омад тилайман. Барчамиз бир ёқадан бош чиқариб мухлисларни ҳамда бизга ишонч билдирган раҳбарларимизнинг ишончларини оқлаш учун астойдил ишлашимиз керак. Таркибимизда ҳали ўзгаришлар бўлади. Мурод Ҳолмухаммедов билан Қувондиқ Рўзиевлар оилавий сабаблар туфайли 23 декабрдан машғулотларга қўшилишади. Ойбек Рустамов Таиландда бўлиб ўтадиган Осиё чемпионатидан сўнг таркибимизга етиб келади. 28 декбаргача Қўқонда машғулотларни кунига икки маҳалдан олиб борамиз – деди Бахтиёр Ашурматов.



Шундан сўнг жамоа аъзолари “Марказий” стадионида дастлабки машғулотларни ўтказишди. Мураббийлар штаби селекция ишларини қизғин тарзда олиб боришмоқда. Бир нечта футболчилар билан музокаралар олиб борилмоқда. Яқин кунларда ва янги йил байрамидан сўнг жамоа таркибига бир нечта янги футболчилар қўшилиши кутилмоқда.

Rating: +8   

Comments

championat.asia
< show latest news
Яндекс.Метрика