"Қўқон-1912": Иккинчи ёшлигини ўтказган футболчилар

Бугун эса ўзини кўрсатган ёши катта футболчилармиз хусусида тўхталиб ўтамиз.

Тан олиш лозим, Носир Отақўзиев ушбу мавсумда ўзининг иккинчи ёшлигини ўтказди. Мавсум бошида “Қўқон-1912” сафига келиб қўшилган ҳужумчи рақиблар дарвозасига 9 та тўп киритишнинг уддасидан чиқди. Унинг бир қатор голлари жамоамизга муҳим ғалабаларни тақдим этди. Отақўзиев голлар сонини ошириши ҳам мумкин эди. Аммо турли сабабларга кўра, у бир нечта учрашувда майдонга туша олмади.

31 ёшли футболчи майдондаги маҳоратидан ташқари, ўзи тутиши ва муомаласи билан ёш жамоадошларига ўрнак бўла олди.

Яна бир ёши катта футболчиларидан бири Алексей Николаевдир. Бир пайтлар терма жамоамизнинг етакчиси бўлган ҳимоячининг ўйинида бироз пасайишлар кўзатилганди. Аммо “Қўқон-1912” жамоасига келиб қўшилгач, у яна олдинги салоҳиятини тиклай олди. Николаев ҳимоядаги ишончли ўйинлари орқали қўқонлик мухлисларнинг ёқимтойига айланди.

Николаев мавсумда бирорта гол кирита олмаган бўлса, ҳам ғалабаларда ўз ҳиссасини қўшганини алоҳида эътироф этиш жоиз.

Ўзини тутиши орқали ҳам жамоадошларига ўрнак бўлишдан тақшари, бу футболчилар жамоага жуда катта фойда келтиришди. Улар машғулотлардан ҳам ёшлардан кўра кўпроқ тер тўкиши таҳсинга сазовор.

Жамоа сафида мана шундай фидойи футболчилар сони кўп бўлишини тилаб қоламиз.