"Қизилқум": Янги мавсум учун аккредитация бошланди

Тақвимга кўра, «Қизилқум» жамоаси янги мавсумнинг илк ўйинини 15 март куни сафарда Тошкентнинг «Бунёдкор» футболчилари билан ўтказади.

«Қизилқум» футбол клуби маъмурияти матбуот ва оммавий ахборот воситалари ходимларига қулайлик яратиш мақсадида аккредитация жараёни бошланганини маълум қилади. Махсус бейжикка эга бўлган журналистлар Навоий шаҳридаги «Сўғдиёна» стадионида ўтказиладиган миллий чемпионат ҳамда Ўзбекистон кубоги баҳслари чоғида матбуот ва ОАВ вакиллари учун ажратилган махсус сектордан ўйинларни кузатиш, ўзлари фаолият кўрсатаётган нашр, ТВ ҳамда радио воситаларида учрашувни батафсил ёритиш имконига эга бўладилар. Шунингдек, стадионга текин кириб, матбуот анжуманларида бевосита иштирок этадилар.

Бунинг учун матбуот ва ОАВ ходимлари ўзлари ишлаётган ташкилотдан «Қизилқум» футбол клуби Ижрочи директори Ҳамид Актамов номига хат, паспорт нусхаси ва икки донадан 3Х4 ҳажмдаги суратларини 17 мартга қадар тақдим этишлари зарур.

Мурожаат учун телефонлар: +998933166074, +998792231503.

Эслатиб ўтамиз, «Қизилқум» жамоаси ўз майдонидаги илк учрашувни 23 март куни ўтказади. Унда навоийликлар «Андижон» вакиллари билан куч синашади.