«Қизилқум»: Навбатдаги рақиб — «Нефтчи» жамоаси!
13 feb 2014 22:52
News

«Қизилқум»: Навбатдаги рақиб — «Нефтчи» жамоаси!

Шу кунларда «Қизилқум» жамоаси аъзолари ўқув-машғулот йиғинини Тошкентда давом эттирмоқда.

Кунига икки маҳалдан машғулотлар ўтказаётган навоийликлар кўпроқ назорат учрашувлари ташкил этишга алоҳида эътибор қаратишяпти.

Юрий Лукин шогирдлари 5 февралдан пойтахт йиғинига киришган бўлсалар, ҳозиргача тўртта ўртоқлик ўйинида майдонга тушдилар. Дастлаб «Олмалиқ» вакилларига имконият бой берилганди. Сўнгра, кончилар «Бухоро» (1:1), «Навбаҳор» (1:0), «Оқтепа» (3:0) жамоалари билан куч синашдилар.

Режага кўра, навбатдаги назорат баҳси 14 февралда ўтказилади. Унда Фарғонанинг «Нефтчи» футболчилари «Қизилқум» жамоасига қарши майдонга чиқади. Учрашув пойтахтимиздаги «Оқтепа» стадионида соат 10.45 да бошланиши белгиланган.

Link :

Source : fcqizilqum.uz

Receive latest football news directly on your phone. Subscribe for our Telegram channel!

Rating: