“Қизилқум” мухлислари Бекободга боришади
13 jun 2014 12:06
News

“Қизилқум” мухлислари Бекободга боришади

Ўзбекистон XXIII миллий чемпионати олий лига жамоалари 14 июнь куни 12-тур ўйинларини ўтказади. Навоийнинг “Қизилқум” футболчилари мазкур турда Бекободда “Металлург” жамоаси меҳмони бўлади.

Ушбу учрашувни бевосита стадионда кузатиш ва “Қизилқум” вакилларини қўллаб-қувватлаш учун Навоийдан юздан зиёд мухлис ташриф буюриши режалаштирилган. “Қизилқум” ишқибозлар клуби раҳбари Шаҳриддин Ишназаровнинг билдиришича, навоийлик мухлислар 14 июнь куни соат 06.00 да сафарга отланишади.

Ўз жамоасини Бекободдаги учрашувда қўллаб-қувватлашни истаган ишқибозлар Навоий шаҳридаги “Сўғдиёна” стадиони олдида тўпланишади ва автобусда йўлга чиқадилар.

Мурожаат учун телефон — +998913333773.

Эслатиб ўтамиз, “Металлург” — “Қизилқум” жамоалари ўйини 14 июнь куни соат 18.00 да Бекободдаги “Металлург” стадионида бошланади.

Link :

Source : fcqizilqum.uz

Receive latest football news directly on your phone. Subscribe for our Telegram channel!

Rating: