"Қизилқум": Георгий Микаберидзега жавоб берилди

Кончиларнинг бу галги рақиби Тошкентнинг “Бунёдкор” ёшлари бўлди.

Учрашувда навоийликлар бош мураббийи Юрий Лукин қуйидаги футболчиларни майдонга туширди:

Артём Макосин, Миржалол Қурбонов, Асқаржон Муҳиддинов, Георгий Квесиешвили, Акмал Рустамов, Алишер Саноев, Азизбек Усмонов, Элдор Бойматов, Самандар Шодмонов, Руслан Вагапов, Наврўзбек Алимов.
Захирадан майдонга тушганлар: Дилшод Ҳамроев, Файзулла Қамбаров, Ғайрат Жумаев, Акмал Холиқов, Бобиржон Искандаров, Сарваржон Холматов, Алишер Холиқов, Нодирбек Шаҳобиддинов, Баҳодир Қосимов.
 
Ўйинда кончилар катта ташаббусга эга бўлдилар. Бу ҳисобда ҳам ўз аксини топди. Дастлабки бўлимда Асқаржон Муҳиддинов ҳисобни очган бўлса, танаффусдан сўнг Алишер Холиқов ғалабани мустаҳкамлади — 2:0.

Дарвозабон Эркин Жабборов, ярим ҳимоячилар Жамшид Шоҳназаров, Шерали Жўраевлар шу куни индивидуал машғулотлар ўтказдилар.
 
Пойтахтдаги йиғинга келиб қўшилган грузиялик ярим ҳимоячи Георгий Микаберидзе (“Олимпи” Рустави)нинг ўйини мураббийларга маъқул келмаганлиги туфайли унга жавоб бериб юборилди.
 
Ҳужумчи Владимир Шишелов яна бир неча кундан сўнг, юртимизга қайтиб келади. Шунингдек, “Қизилқум” машғулотларига бугун-эрта маҳаллий ва хориж клубларидан яна бир неча футболчининг келиб қўшилиши кутилмоқда.
 
Режага кўра, навоийликлар 18 июль куни навбатдаги синов-назорат учрашувини ўтказади. Унда “Қизилқум” футболчилари “Бухоро” жамоаси билан куч синашади.