Қирғиз футбол иттифоқига президент сайланди

Кун тартибига кўра, Конгресс ҚФИнинг амалдаги президенти Сидиқов Медербек Абдикаликович ва аввалроқ эълон қилинган ҚФИ Ижроия қўмитаси таркиби истеъфосини қабул қилди. Шу муносабат билан навбатдан ташқари Конгресс кун тартибига ташкилотнинг янги президенти ва Ижроия қўмитаси таркибини сайлаш масаласи киритилди.

Президентлик лавозимига ягона номзод Ташиев Қамчибек Қидиршаевич рўйхатга олинганди.

Сайлов Қирғиз футбол иттифоқи Уставига қатъий риоя қилинган ҳолда ўтказилди ва очиқ овоз бериш йўли билан Ташиев Камчибек Қидиршаевич бир овоздан ҚФИ президенти лавозимига сайланди. Конгресс делегатлари ҚФИ Ижроия қўмитасининг янги таркибини ҳам бир овоздан сайладилар.

Эслатиб ўтамиз, Қамчибек Ташиев 2020 йилнинг 16 октябридан буён Қирғиз Республикаси Миллий хавфсизлик давлат қўмитаси раҳбари саналади.