Қирғизистондаги легионерларимиз учун омадли ҳафта

Қирғизистоннинг “Олға”клубида тўп сураётган ҳамюртларимиз учун 2-тур ўйинлари омадли келди. Илҳом Комилов ва Санжар Тўрақулов ўйнаётган клуб мавсумнинг иккинчи учрашувида “Қора-Болта”ни қабул қилиб, йирик 5:1 ҳисобида ғалаба қозонди. Ҳар иккала ҳамюртимиз ҳам беллашувни асосий таркибда бошлади ва 90 дақиқа ҳаракат қилди. “Олға”нинг иккинчи голига Санжар Тўрақулов муаллифлик қилди. Ярим ҳимоячи пенальтидан унумли фойдаланиб, жамоасини ҳисобда олдинга олиб чиқди. Якунда майдон эгалари рақиб дарвозасини яна уч бор ишғол қилишди.