Latest news

00:47Мбаппе "Реал"да 10-рақамнинг янги эгасига айланди  0 00:01Расман: "Манчестер Сити" "Бёрнли"дан дарвозабон сотиб олди  0 23:40"Челси" Кукурельяга янги шартнома таклиф қилади  0 23:17Луис Диас қачон "Бавария" футболчиси сифатида таништирилиши маълум бўлди  1 22:52Расман: "Насаф" нигериялик футболчи билан шартнома имзолади  4 22:40Турғунбоев "Пахтакор"да қайси рақамни танлади?  4 22:15Расман: "Навбаҳор" бразилиялик футболчи билан шартнома имзолади  9 22:10Расман: "Насаф" албаниялик ҳужумкор ярим ҳимоячи билан шартнома имзолади  8 22:05Расман: "Андижон" Токотаевни ўз сафига қўшиб олди  8 21:38"Навбаҳор" Суперлиганинг биринчи даврасини "Нефтчи"да ўтказган икки ўйинчи билан шартнома имзолади  8 21:15"Интер" Лукман учун таклиф қилган таклиф "Аталанта"га ёқмади  0 20:50Жанлуижжи Доннарумма чиндан ҳам ПСЖдан кетиши мумкин – ҳаттоки ЕЧЛдаги ғалабадан кейин ҳам  4 20:31Расман: Шаҳзод Тоиров — ОКМК футболчиси!  1 20:25"Наполи" "Ливерпуль" футболчисини ижарага олмоқчи  0 19:59Тоттининг ўғли босим туфайли футболдан кетди  2

Қибрайга катта футбол қайтмоқда! News

Қибрайга катта футбол қайтмоқда!

Tags :  Қибрай
Қибрай ўзбек футболида ўз ўрнига эга. Ўз вақтида Ўзбекистон ёшлар терма жамоасининг асосий ҳужумчиси бўлган, Қозоннинг «Рубин» клубида тўп сурган Даврон Мирзаевни мухлислар яхши эсласа керак.

Даврон Қибрай футбол мактаби тарбияланувчиси ҳисобланади. Лекин айрим сабабларга кўра, футболимизга бир қатор футболчи-ю, футзалчиларни етиштириб берган туманда маълум вақт катта футбол тўхтаб қолган эди. Хусусан, 90-йилларда 1-лигада «Роҳат» жамоаси Қибрай шарафини ҳимоя қилган, шундан сўнг туман жамоаларини профессионал лигаларга кўрмай қўйгандик. Узоқ йиллик танаффусдан кейин Қибрайга катта футбол қайтиш арафасида. Қибрай туман ҳокими Мирқосимов Мираъзам Миразадович Вазирлар Маҳкамасининг «Ҳудудий футбол ассоциациялари фаолиятини янада қўллаб-қувватлаш чора-тадбирлари тўғрисида»ги қарорига асосан туманда футболни ривожлантириш бўйича алоҳида қарор қабул қилди. Шу муносабат билан етти йилдан бери Тошкент вилояти чемпионатида мунтазам иштирок этиб келаётган «Ҳумо» футбол клубининг моддий-техник базасини яхшилаш ишлари амалга оширилмоқда. Шахсан туман ҳокими Мирқосимов Мираъзам Миразадовичнинг қатъий назорати остида туманга катта футбол қайтиш арафасида. Яъни, «Ҳумо»нинг асосий мақсади Ўзбекистон Профессионал футбол лигаси тасарруфидаги мусобақага йўлланма олиш.

Туман ҳокимининг эътиборига мос равишда Равшан Саҳобуддинов мураббийлигидаги «Ҳумо» 3-тур ўйинлари ўтказилган Тошкент вилоятини чемпионатини муваффақиятли давом эттирмоқда. Жумладан, 3та ўйиннинг иккитасида ғалаба нашидасини сурган «Ҳумо» яна бир баҳсда дуранг қайд этган ҳолда 7 очко билан ўз минтақасида турнир жадвалида иккинчи поғонадан жой олиб турибди. Жамоанинг натижасидан ташқари қилинаётган меҳнатлар самараси бошқа йўналишларда ҳам бўй кўрсатмоқда. Хусусан, «Ҳумо»нинг икки нафар аъзоси – Беҳруз Шукуруллаев ҳамда Диёрбек Тўлабоев 2006 йилда туғилган футболчилардан иборат Ўзбекистон ўсмирлар терма жамоаси бош мураббийи Сервер Жепаров эътиборига тушди. Футболчилар ўсмирлар термасига номзод бўлди. Айтиш керакки, тумандаги БЎСМда «Ҳумо»нинг келажаги бўлган ёш иқтидор эгалари тарбияланмоқда. Жамоанинг ёш тарбияланувчилари ҳам худди акалари сингари вилоят биринчиликларини муваффақиятли давом эттирмоқда.

Умид қиламизки, «Ҳумо» ўз олдига қўйилган вазифа бажариб, Қибрайга яна катта футбол ҳавосини олиб киради. Жамоанинг келажаги бўлган болалардан эса, ўзбек футболининг юлдузлари етишиб чиқади.


Rating: +7   

Comments

championat.asia
< show latest news
Яндекс.Метрика