"Қайсидир маънода балки барҳаётдирман". Йохан Круиффдан яна 11та ажойиб иқтибос

Унинг хаёти ҳақида ва бир қанча ажойиб иқтибослари ҳақида сайтимизда бугун кундузи мақола ҳам чоп этилди.

Ҳозир голландиялик собиқ футболчи томонидан айтилган яна 11 та ажойиб иқтибосни сиз азизлар билан улашмоқчимиз.

"Футбол ўйнаш оддий ҳолат, лекин оддий футбол намойиш этиш жуда қийин"

"Ўйинда биттагина тўп бўлади ва у айнан сизда бўлиши лозим"

"Яхши натижа бўлмаса сифатли ўйиндан фойда йўқ. Натижа яхши бўлсаю, сифатсиз бўлса - бу зерикарли"

"Агар мен ҳақиқатдан ҳам яхшироқ тушунишингни истаганимда, буни яхшироқ тушунтирардим"



"Нега клубингиздан бойроқ жамоани ютиб бўлмайди? Бир қоп пул гол урганини кўрмаганман"

"Ҳар бир камчиликнинг ўзига яраша устунлиги бор"

"Агар мен кимдандир аввал югуришни бошласам, бу менинг тезроқ бўлишимни билдиради"

"Тўп билан минг марта "жонглёр" қилиш бу техника эмас. Бунга кетма-кет машғулотлар давомида ҳам эришиш мумкин. Кейин эса циркда бемалол чиқиш қилса ҳам бўлади"

"Агар ғалаба қозона олмасанг, ютқазмаслик учун қўлингдан келган барча ишни қил"

"Биз шундай қилишимиз керакки, тўп уларнинг ёмон футболчиларига бориб тушсин. Шунда яна тезда уни ўзимизга қайтиб олишимиз мумкин"

Ниҳоят ушбу материалдаги сўнгги иқтибос: "Қайсидир маънода балки барҳаётдирман"

Собиқ футболчи энди орамизда йўқ. У афсонага айланди! Лекин, унинг ажойиб ўйинлари, ютуқлари футбол тарихида қолган. Буни хеч ким ўзгартира олмайди. Алвидо, Круифф!