"Қатар СК" 1-турда мағлуб бўлди, Сардор Рашидов қайдномага киритилмади

Чемпионатнинг 1-турида "Қатар СК" клуби ўз майдонида "Ал Дуҳаил" клубини қабул қилди. Дастлаб мезбонлар вакили Жуниор Кабананган ҳисобни очди. Учрашув тугашига 2 дақиқа қолганида мана шу ҳисоб сақланиб турган эди. Бироқ Юссуф Мсакни ва Алмоез Али томонидан урилган голлар "Ал Дуҳаил"га сафарда иродали ғалаба келтирди - 2:1.

Мазкур ўйинда ҳамюртимиз Сардор Рашидов иштирок этмади. Испаниялик Карлос Алос уни қайдномага киритмади. "Қатар СК" навбатдаги учрашувни 29 август куни "Ал Вакра"га қарши ўтказади.

Қатар Юлдузлар лигаси. 1-тур
"Қатар СК" - "Ал Дуҳаил" 1:2
Голлар: Жуниор Кабананга 60 - Юссуф Мсакни 88, Алмоез Али 90+2.