Қамчибек Ташиев ЎФА раҳбариятини Ўзбекистон терма жамоаси ЖЧга чиққани билан табриклади
10 jun 12:49
News

Қамчибек Ташиев ЎФА раҳбариятини Ўзбекистон терма жамоаси ЖЧга чиққани билан табриклади

Қирғиз футбол иттифоқи президенти Қамчибек Ташиев бошчилигидаги делегация 9 июнь куни Тошкентдаги "Жар" стадионида бўлиб ўтган Қирғиз Республикаси ҳамда Ўзбекистон U-23 терма жамоалари ўртасидаги ўртоқлик учрашувига гувоҳ бўлди.

ҚФИ вакиллари ўйин давомида Ўзбекистон футбол ассоциацияси раҳбарлари – президент Баҳодир Қурбонов ва биринчи вице-президент Равшан Эрматов билан учрашди.

КФИ раҳбари Қамчибек Ташиев қўшни давлат футбол ассоциацияси вакилларини Ўзбекистон терма жамоаси ўз тарихида илк бор Жаҳон чемпионатига йўлланма олгани билан табриклади.

"Ўзбекистон терма жамоаси футболчилари ўзларининг ажойиб ва маҳоратли ўйинлари билан Марказий Осиё минтақасининг барча давлатларига ўрнак бўлишди ва шу билан бирга орзулар ушалишини исботлади. Биз бўлажак Жаҳон чемпионатида Ўзбекистон термасини чин дилдан қўллаб-қувватлаймиз", – деди КФИ раҳбари.

Ўзбекистон футбол ассоциацияси раҳбарлари табрик учун миннатдорлик билдириб, икки давлат ўртасидаги дўстлик ва ҳамжиҳатлик ривожи, ташкилотлар ўртасидаги ўзаро ёрдам доимий равишда мустаҳкамланиб боришини тилашди. Учрашувда томонлар қўшма ҳамкорлик масалаларини ҳам муҳокама қилдилар.

Link :

Source : kfu.kg

Receive latest football news directly on your phone. Subscribe for our Telegram channel!

Rating: +6