"Қалдирғочлар" янги мавсумга тайёргарликни бошлашди ФОТОГАЛЕРЕЯ
22 dec 2017 18:21
News

"Қалдирғочлар" янги мавсумга тайёргарликни бошлашди ФОТОГАЛЕРЕЯ

Тошкентнинг “Бунёдкор” жамоаси учун мавсумлар оралиғидаги таътил якунланиб машғулотларга қайтди.

Миржалол Қосимов бошчилигидаги "қалдирғочлар" 2018 йилги мавсумга қаратилган тайёргарликни бугун, 22 декабрь кунидан бошлашди. Бугунги машғулотларда U-23 терма жамоасига чақирилган футболчилар иштирок этишмади. Ўтган мавсум бошқа клубларда ижарада ўйнаган бир қатор футболчилар "Бунёдкор"да шуғулланишмоқда. Муроджон Зуҳуров бурнини операция қилдиргани учун мураббийлар штаби томонидан дам берилган. Футболчилардан фақат Сардорбек Азимов бугун якка тартибда шуғулланди. Қолган футболчилар асосан чигалёзди машғулотларни бажаришди ва майдон бўйлаб югуришди.

Дастлабки йиғин 30 декабргача давом эттирилади. Шундан сўнг жамоа янги йил байрами муносабати билан қисқа муддатли таътилга чиқади.

Сайтимизнинг махсус бўлими орқали бугунги машғулотлардан ФОТОГАЛЕРЕЯни томоша қилиш мумкин.